Gujju Bits

ગુજરાતીમાં લખવું, અને એ પણ બ્લૉગ લખવો (એટલે કે ઇન્ટરનેટ પર લખવું) એમાં સૌ પ્રથમ
કળા કરતા શ્રધ્ધાનો ફાળો વિશેષ છે એવું મારું માનવું છે! જેમ કે ગાવાવાળાને સાંભળવાવાળા
ન મળે છતાંય ગાયે જાય એના જેવું! હું અને અશ્વિન મહેતા ઉર્ફે ‘નાની’ જેનો મેં આગલી પોસ્ટમાં
ગાયક તરીકેનો ઉલ્લેખ કર્યો છે, વખતોવખત કલાકો સુધી અમારી મસ્તીમાં ગાયનો ગાતા રહેતા એમ.
એક વાર અમે બે મુંબઈની મહાકાલી કેવ્ઝમાં બેસીને લલકારવા માંડ્યા. ગુફાઓમાં ગુંજતો અવાજ
નાનીને બહુ ગમતો. અને પછી જોયું કે ગુફાની બહાર ધીરેધીરે ટહેલવા આવેલા લોકોનું ટોળુ જામી ગયેલું!
અમને ખબર નથી કે એ લોકોને અમારું ગાવું ગમ્યું કે પછી અમને પાગલ ગણ્યા હશે!

કંઈક એ રીતે જ બ્લૉગ લખવો એ પોતાની મનપસંદ કાર્યપ્રર્વુત્તિ હોય તો જ તમે આ કામમાં ટકી શકશો
તેમ મારું માનવું છે. શ્રધ્ધા એટલા માટે કહ્યું કે તમારો આ લેખ કોઇક તો વાંચશે, અને કોઇકને તો પસંદ
પડશે તે પૂરતું! બાકી ગામને મોઢે ગળણી ક્યાં બાંધી શકાય છે?

કવિ જલન માતરીનો એક લાજવાબ શેર યાદ આવે છે કેઃ

શ્રધ્ધાનો હો વિષય તો પુરાવાની શી જરુર?
કુર્આનમાં તો ક્યાંય પયમ્બરની સહી નથી!

પહેલા તો તમારે કમ્પ્યુટરને ગુજરાતી લખવા-વાંચવા માટે તૈયાર કરવુ પડે. એમાં પણ ફક્ત એકાદ
વસ્તુ કે પ્રોગ્રામ ઈન્સ્ટોલ કરવાની વાત હોય તો સમજ્યા, મારા ભઈ! કમનસીબે નરેન્દ્રભાઈએ…
(ના સમજ્યા? શું યાર, આપણી ગરવી ગુજરાતના ગૌરવ સમા મુખ્ય મંત્રીસ્તો!) હજુ સુધી કોઈ
પાસે comprehensive installation in one package કહેવાય એવો એક પ્રોગ્રામ તૈયાર
નથી કરાવ્યો એટલે ઘણાં તો ત્યાં જ હાર માની લે છે. અમુક લોકો તેથી આગળ વધી શક્યા છે, પણ
લખતી વેળા તેઓ બ્લૉગનો વિષય વિગેરેની અસમંજસમાં પડી ગયા લાગે છે. હું આ સાઇટ ઉપર
જેટલા અધકચરા પ્રયાસો જોઉં છું તે પરથી કહું છું. વળી અચાનક અહીંની મફત બ્લૉગની ઑફર
જોઇને ઘણાં SPAM બ્લૉગ ચાલુ થઈ ગયા છે જે, મારા મતે, આ સાઈટનું ‘ગુજરાતીપણું’ ઓછું
કરવા સાથે, એની વેલ્યુ પણ ઘટાડી રહ્યા છે.

જેટલા લોકો કમ્પ્યુટર પર ગુજરાતી લખી-વાંચી શકે છે, તેઓ બીજાના બ્લૉગ ઉપર પોતાનો પ્રતિભાવ
આપતા કે પોતાના બ્લૉગ ઉપર માંગતા અચકાય છે. અને આ પ્રકારનું વર્તન ફક્ત આ સાઇટ પૂરતું
મર્યાદિત નથી. મેં જોયું છે કે બીજી ઘણી સાઈટ ઉપર પણ આપણી પ્રજા જગતની બીજી પ્રજાઓની
દ્રષ્ટિએ થોડી પાછળ પડે છે. હું કંઈ મનોવૈજ્ઞાનિક નથી એટલે આ વિષયમાં વધુ વિસ્તારથી ચર્ચા કરવાનો
અધિકાર ધરાવતો નથી, પણ પ્રાથમિક રીતે જે અવલોકન કરી શક્યો છુ તે ફક્ત જણાવું છું.
જ્યારે gujaratiblogs.com આપણને ગુજરાતીમાં આપણા વિચારોનું મુક્ત આદાન-પ્રદાન કરવા માટે
આટલી મહામુલી તક આપે છે, એ પણ મફતમાં, ત્યારે એનો લાભ ન ઉઠાવવો તે આપણી જ ભુલ કહેવાય.

તો ચાલો, ભાઈઓ અને બહેનો, મગજની અણી કાઢો અને કમ્પ્યુટરના સ્ક્રીન ઉપર અક્ષરો ટપકાવો જોઈએ

પરેશ

તા. ૨૭ ઓગષ્ટ, ૨૦૦૮

Bookmark to:

એમના ‘આગમન’ નામનાં ગઝલસંગ્રહમાં મરીઝ સ્વયં લખે છે-
“ગઝલ ક્ષેત્રમાં હું મહામહેનતે ગોઠવાયો છું : એક તો ઓછું ભણેલો, ભાષા, વ્યાકરણ અને જોડણીનું
ખાસ જ્ઞાન નહીં, માત્ર ઊર્મિ, સંવેદન, અનુભૂતિ અને અવલોકનનાં બળ પર ગઝલોનું મેં સર્જન કરેલું છે.”
ગુજરાતનાં આટલા મહાન કલાકારની આ કેવી વિનમ્રતા, કેવી નિખાલસતા! તેઓ ગઝલ વિશે કહે છેઃ

હો ગુર્જરીની ઓથ કે ઉર્દૂની ઓ મરીઝ,
ગઝલો ફક્ત લખાય છે દિલની જુબાનમાં.

એ જ માણસ પછી કહી શકે કેઃ

મરણ કે જીવન હો એ બન્ને સ્થિતિમાં,
મરીઝ એક લાચારી કાયમ રહી છે.
જનાજો જશે તો જશે કાંધે કાંધે,
જીવન પણ ગયું છે સહારે સહારે.

જો મેં એમની હયાતીમાં ત્યારે સાંભળ્યો હોત તો કે’તઃ
ક્યા બાત હૈ, મરીઝ! પેન તોડી નાખ, ને પાટી ફેંકી દે. તેં તારી જિંદગીનો આખરી શેર લખી લીધો છે.

પણ આપણાં નસીબ સારાં કે મારી ત્યારે હયાતી નો’તી તે આપણને એમની બીજી કેટલીય સારી સારી
ગઝલો મળી છે!  એમાંની એક નીચે પ્રસ્તુત છેઃ

એવો કોઈ દિલદાર જગતમાં નજર આવે,
આપી દે મદદ કિંતુ ન લાચાર બનાવે.

હમદર્દ બની જાય જરા સાથમાં આવે,
આ શું કે બધા દૂરથી રસ્તા જ બતાવે!

શું એને ખબર, કોની નજર પ્યાસી રહી ગઈ?
જે ભેજમાં ચાલે અને પાલવ ન ઉઠાવે.

એ સૌથી વધુ ઉચ્ચ તબક્કો છે મિલનનો,
કહેવાનું ઘણું હો ને કશું યાદ ન આવે.

કોઈ પ્રેમીથી તમારા વાતોની કલા લ્યે,
એક વાત કરે એમાં ઘણી વાત છુપાવે.

રડવાની જરુરત પડે ત્યાં સૂકાં નયન હો,
ને હસતો રહું ત્યાં જ જ્યાં હસવું નહી આવે.

છે મારી મુસીબતનું ‘મરીઝ’ એક આ કારણ,
હું મુજથી રુઠેલો છું, મને કોણ મનાવે?

અશ્વિન મહેતા ઉર્ફે ‘નાની’એ આ ગઝલના ચુનંદા શેરો લઈ એને પોતાના અવાજમાં સરસ રીતે મઢ્યું છે.
વખત મળ્યે એની MP3 File અહીં પોસ્ટ કરીશ, આપના મનોરંજન માટે.

પરેશ
તા. ૫ જુલાઇ, ૨૦૦૮

Bookmark to:

કેમ છો? મારા મન પર શેરબજાર છવાયેલું છે, એટલે એની ચર્ચા કરવી યોગ્ય લાગે છે.

Dow Jones, Sensex, and other world indices – all poised at crucial levels.

Looking at the major markets around the world, subprime credit crunch (now stated to be around $1.3 trillion – yep, that’s billion with a T, and we have only seen declarations worth about $400 billion!) promises more pain for the financial sectors for several quarters to come, inflation just cannot be wished away while the leaders of the world fight over oil prices, food prices, commodities, and gold, unemployment figures, companies tightening belts (and underwears even) – all of these portends of bad times ahead.

The technical charts also point to the unfolding of a lethal wave that’s poised to destroy the markets everywhere, especially India which is closer to home for me. All the sectors seemed to have had their day in the sun. Now what? Tomorrow if the weekly close is below 15000, then the downward move can intensify and drag the Sensex below 14000. Bulls have tried their best to protect the fort at 14600, but have lost their grip now. One silver lining is that the fury of the unfolding down wave may be curtailed in the zone between 13700 and 14000. If not, run fast, away from the markets. But there won’t be any place for you to hide.

The age-old ‘buy and hold’ strategy is for the birds. The world economy is in bad shape anyway you slice it. I say what the heck: let’s call a spade a spade; and the emperor is NAKED whether one likes it or not. The present strategy is ‘book profits whenever you can’ and put a stoploss on your investments. I invite others to chime in whenever they feel like writing a comment or tell me off for my radical views or whatever. Show me that you’re alive and able to write.

ગુજુ બ્લોગમાં ખાલી ENGLISH માં ભરડે જઈશ તો લોકો નિરાશ થશે મારી ઉપર, એટલે અહીં ક્યાંકથી પ્રકાશ તો મેળવવો જ રહ્યો!

જરા અંધાર નાબુદીનો દસ્તાવેજ લઈ આવ્યો,
અરે લ્યો, આગિયો સૂરજથી થોડું તેજ લઈ આવ્યો.

કવિ છે શોભિત દેસાઈ. કેટલી સરસ કલ્પના છે! આશિતભાઈએ આની એટલી જ સરસ સ્વરરચના કરી છે. એમની CD જરુરથી સાંભળશો.

તમને મારો બ્લોગ ગમ્યો? તો જરુર તમારી comments લખી જણાવશો. અને ક્યાંક કંઈ ઉણપ લાગી તો તો ખાસ લખશો.
પણ કંઈ લખ્યા વગર ચાલી જશો તો વિચારોની આપલે કેમ થશે?

પરેશ

તા. ૧૯-૦૬-૨૦૦૮

Bookmark to:

કમ્પ્યુટર ઉપર ગુજરાતીમાં લખવું સહેલું નથી. મારા અમુક વાચક મિત્રોના જણાવ્યા મુજબ તેઓને મારા
બ્લોગ્સ ઉપર પોતાનો પ્રતિભાવ દર્શાવવો હતો પણ ગુજરાતીમાં ન લખી શકવાથી અચકાઈ ગયા. તો મારે એ
બાબત ઉપર થોડો પ્રકાશ નાખવો છે જેથી ભવિષ્યમાં તેઓ (અને એમના જેવા બીજાઓ) ઉત્સાહપૂર્વક આગળ વધી શકે.

પોતાના કમ્પ્યુટર ઉપર ગુજરાતીમાં લખવું અને ઈન્ટરનેટ ઉપર ગુજરાતીમાં લખવું એ બે જુદી વસ્તુઓ છે. મારા આગળના
એક બ્લોગમાં મેં ‘ધવલ શાહ’ની લિન્ક આપેલી છે. તેમાં Microsoft ની BHASHAINDIA.COM પરથી એક ફાઈલ
ડાઉનલોડ અને ઇન્સ્ટોલ કરવાની વાત છે. આ ફાઈલ છે Gujarati Indic IME 1 file. આને ઇન્સ્ટોલ કર્યા પછી તમારા
કમ્પ્યુટર ઉપર ચાલુ સોફ્ટવેર જેવું કે MS WORD વિ. માં ગુજરાતીમાં લખી શકાશે. આ બ્લોગ ઉપર કોમેન્ટ્સ લખવા
માટે તેની જરુર નથી. મારા બ્લોગની right side panel પર Type Gujarati નામની જે લિન્ક છે તેની
ઉપર વિશાલના જણાવ્યા મુજબ પગલાં ભર્યા પછી તમે ગુજરાતી બ્લોગ્સ ઉપર કોમેન્ટ્સ લખી શકશો, એટલું જ નહીં પણ
તમારો પોતાનો બ્લોગ પણ ચાલુ કરી શકશો! આ બંને પગલાં એક જ વાર ભરવાનાં રહેશે, બસ પછી કાયમની નિરાંત.
અને આમ કર્યા પછી તમે આસાનીથી ઈન્ગ્લીશ અને ગુજરાતી વચ્ચે સ્વિચ કરી શકશો.

Microsoft Gujarati Language Pad is very difficult to use because it is not phonetic,
and does not come with an easy to use manual. I wonder how come we, as a gujarati
computer user community, not raised a hue and a cry about this by now?
I downloaded Gujarati Indic IME 1 file from BhashaIndia.com, and followed the
instructions to install it. Now while I can type in Gujarati in Title line, the typepad
is SO DIFFERENT from the one I use to write this blog, it makes me want to scream.
Since I am somewhat computer savvy, I wonder what other poor souls must be
trying to do. I couldn’t get a CHARACTER MAP to show how the gujarati alphabet
was mapped to English keyboard. Finally, I did what any self-respecting individual would
do – i.e. to prepare my own key map in excel worksheet and saved a copy in .BMP
format. It still does not explain how to write combined letters like શૂન્ય etc. What a pity!
If any reader knows where and how to protest to get phonetic keymapping done
by Microsoft, I’ll be sure to sign up. Any one??

ચાલો આપણે ગઝલોનો દૌર આગળ વધારીયે. આજે વાત કરવી છે ગઝલસમ્રાટ શૂન્ય પાલનપૂરીની.

ગઝલ લખવા વિશે શૂન્ય પાલનપુરી કહે છેઃ
દેહના કોડિયે પ્રાણની વાટને લોહીમાં ભીંજવીને જો બાળી શકો,
તો જ પ્રગટી શકે દર્દની મ્હેફિલે દિલને રોશન કરે એવી નૂરે ગઝલ.

શૂન્યનું અસલી નામ અલીખાન બલોચ. શિક્ષક, શાયર અને પત્રકાર તરીકે તો એ ઝળક્યા જ છે; પણ સ્વર્ગસ્થ
શ્રી. ચંદ્રકાંત બક્ષીએ એમની એક આલોચનામાં જણાવ્યા મુજબ અલીખાને જ્યોર્જ ફિફ્થ ક્લ્બમાં વિકેટ કીપિંગ પણ
કર્યું છે! મુસ્લિમ હોવા છતાં હિંદુ અને સંસ્કૃત શબ્દો તથા વિચારશૈલીને કવિતામાં સહેજથી વણી લેતાં.
આજે એમના કાવ્યજીવનમાં જરા ર્ડોકિયું કરીયે. કુછ શેર અર્જ હૈ, જનાબ, મુલાહજા ફર્માઈએ!

ગમ નથી જો આંખ ના લૂછે કોઈ પાલવ હવે,
ધૈર્ય પોતે જાળવે છે દર્દનું ગૌરવ હવે.

ઝુલ્ફ કેરા વળ સમી છે ભાગ્યની ગૂંચો બધી,
માત્ર એને યત્ન કેરી કાંસકી ઓળી શકે.

સભાઓમાં છે શબ્દની બોલબાલા
નથી પૂછતું અર્થનો ભાવ કોઈ
કદર છે મને મારી ગઝલોની એથી
હવે ખુદ લખું છું ને ખુદ સાંભળું છું.

તારો ને મારો મેળ નહીં ખાય ઓ તબીબ,
મુજને પડી દરદની, તને સારવારની.

સમયના ગજથી જેઓ પ્રેમની આવરદા માપે છે,
સદા એ ડાઘુઓ પેઠે જીવનનો પંથ કાપે છે.
અવસ્થા મંચ બદલે તો ફરક ઝાઝો નથી પડતો,
બુઢાપો ગાય છે ગઝલો, જવાની દાદ આપે છે.

મારું હોવું કે ન હોવું દોસ્ત સરખું છે બધું,
બાદબાકી હો કે સરવાળો, ફરક પડશે નહીં.
મુજને ગુણવા ભાગવાની ભૂલથી કોશિશ ન કર,
શૂન્યમાં જે ગુમ થયો એ શોધતાં જડશે નહીં.

કામ તો મરજીવાનું સારું છે, પણ બહુ રંજ આપનારું છે;
મોતી આપ્યાનો હર્ષ છે કિંતુ મોં હજુ પણ ખારું છે.

પહાડો તોડવા પ્રેરે હવે એવા સનમ ક્યાં છે?
વહે નદીઓ કરુણાની હ્રદયમાં એ જખમ ક્યાં છે?
કરે છે બેધડક દાવો અનલહકનો બધા આજે
હવે એ મન્સૂરો ક્યાં છે? એ શૂળીની રસમ ક્યાં છે?

(‘અનલહક’ એટલે “I am everything” અથવા “અહમ્ બ્રહ્માસ્મિ”)

ભક્તિ કેરી કાકલૂદી, સ્વાર્થ કેરા જાપ બંધ,
શંખનાદો, ઝાલરો ને બાંગના આલાપ બંધ,
મેં જરા મોટેથી પૂછ્યો પ્રશ્ન કે “હું કોણ છું?”
થઈ ગયા ધર્માલયોના દ્વાર આપોઆપ બંધ.

મારે જોવું’તું અખંડિત દ્ર્શ્ય કિંતુ શું કરું?
આયખાના આયનામાં લાખ તીરાડો હતી.

આંખો ભરીને બેઠી છે દરબાર દર્દનો
દિલમાં કોઈની યાદનો રાજ્યાભિષેક છે.

અને હવે છેલ્લે, એમની એક આખી ગઝલ માણીયેઃ

જગે અર્પણ કર્યા કાંટા, કશું વિપરિત વિચારીને
અમે એના વડે કીધી સુરક્ષિત પ્રાણ-ક્યારીને

તમે ચાલ્યા ગયા સુની કરી દિલની અટારીને
અમે સ્થાપી છે ત્યાં મૂર્તિ સ્વરુપે ઈંતેજારીને

કરો હદથી વધુ મંથન, હળાહળ દે છે રત્નાકર
વિપદ ના વ્હોરજો, સંસારમાં તૃષ્ણા વધારીને

ગુલામી ગઈ કિનારાની, દિશાના બંધનો છૂટ્યાં
અમે નાથ્યો સમંદર, નાવ મજધારે ઉતારીને

નથી બાકી પ્રભુ પાસે, હવે મૌલિક સમું કૈં પણ
કરે છે પેશ, એના એ જ સૌ સર્જન મઠારીને

પરેશ
તા. ૨૪-૦૫-૨૦૦૮

Bookmark to:

એક મિત્રે મને ગુડ મોર્નિંગ એસએમએસ મોકલ્યોઃ

A seed while growing makes no sound. A tree when falling makes huge noise.
Destruction is noise. Creation is always quiet. This is the Power of Silence.

આપણામાં બે બહુ જાણીતી અને ચવાઈ ગયેલી વિરોધાભાસી કહેવતો છેઃ  ન બોલ્યામાં નવ ગુણ   અને   બોલે એના બોર વેચાય.

આમ મૌન પણ વિરોધાભાસી નથી લાગતું? અણગમતી એકલતા, જ્યારે મનમાં વિચારો ઘુંટાય જેને વાચા ન મળે તો કેવી ગુંગળામણ થાય?

તો સાથે મૌન ક્યારેક શબ્દોથી નહીં પણ આંખોમાંથી વ્યક્ત થતો સુવાસિત પ્રેમ પણ હોઈ શકે છે. આવી મધુર પળો સૌએ માણી જ હશે.

તો ચાલો વધુ શબ્દો કરતાં કવિઓની દુનિયામાં જરાક ડોકિયું કરીને જોઈએ કે તેઓએ મૌનને કેવી રીતે વધાવવ્યું છે.

શૂન્ય પાલનપૂરી લખે છેઃ

મૌનને સુપરત કરી દીધો ખજાનો શબ્દનો
આવ કે જોવા સમો છે શૂન્યનો વૈભવ હવે

અર્થપૂર્ણ મૌન પ્રેમમાં કેટલું મહત્વનું હોઈ શકે છે તે શૂન્ય સમજાવે છેઃ

પ્રેમ ઈર્ષાથી પર ક્યાંય હોતો નથી
શબ્દથી વાત કેરું વતેસર થશે
હોઠ સીવીને ચૂપચાપ જોતા રહો
મૌન પેદા કરે છે ભરમ કેટલા

જયંત શેઠ કહે છેઃ

ભલેને મૌન હો પણ હોઠ જો મલકાઈ જાય છે
તો સમજ્યા વિના અમને બધું સમજાઈ જાય છે

આદિલ સાહેબ કંઈક એ જ ઢબે રજૂ કરે છે કેઃ

તમે શબ્દોથી જેને દૂર રાખ્યું, હવે આંખોંથી છલકાઈ રહ્યું છે
તમે જેને શિખરનું મૌન સમજ્યા, તળેટીમાં તે પડઘાઈ રહ્યું છે

હરીન્દ્ર દવેને મૌનમાં ભાર અને આભાર બેઉ દેખાય છેઃ

વાતાવરણમાં ભાર છે મિત્રોના મૌનનો
હું શું કહી ગયો છું, મને ખ્યાલ પણ નથી

(એમની આ આખી કવિતા ક્યારેક માણીશું)

મારા ઉદાસ દિલમાં વળે છે ફરી કરાર
પાછું તમારા મૌનમાં સાંત્વન ભળ્યું હશે

કાળઝાળ મૌનમાં શબ્દો કેવા થીજી જાય છે તે વાત પ્રફુલ્લ પંડ્યા કરે છેઃ

થીજી ગયો’તો શબ્દ પછીથી જે મૌનમાં
ધારીને શબ્દદેહ ફરી ઓગળ્યો નહીં

ઓછું બોલીને ઘણું કહી દેવાવાળા સૂફીઓની બે વાતઃ
ON SUFISM:
Whatever you have in your mind – forget it;
Whatever you have in your hand – give it;
Whatever is to be your fate – face it! – Abu Sa’id

A seeker went to ask a sage for guidance on the sufi way. The sage counselled, “If you have
never trodden the path of love, go away and fall in love; then come back and see us.” – Jami

જયંન્ત જોશીના પ્રેમમાં તરબોળ સુવાસિત શેરથી આજના આ શબ્દપ્રવાસમાં અહીં વિરામ.

શબ્દથી પર કો’ક તો સંબંધ હોય છે
મૌનમાં વાચાળ એ સુગંધ હોય છે

પરેશ
તા. ૧૬-૦૫-૨૦૦૮

Bookmark to:

મુજ વીતી તુજ વીતશે, ધીરી બાપુડિયા…

આજે WIN XP CD આખરે હાથમાં આવી એટલે ખબર પડી કે આગલા બ્લોગ્સ માં લખ્યું’તું તો બરાબર પણ પેલી control panel માં જઈને complex scripts install કરવી પડે તે નહોતી કરી એટલે બરાબર વંચાતું નહોતું. Anyway, the mystery is solved now. And I feel so much better for it.

ગુજરાતી અક્ષર વાંચવા હોય તો આ પગલું ભર્યે જ છુટકો! નહીં તો મારી જેમ તમે પણ હ્રસ્વઈની છત્રી હાથમાં લઈને ગુસ્સામાં પલળ્યા કરશો!

Just go to DhavalShah’s page below, and follow the steps. One note: in FIRST STEP paragraph, in (4) he talks about clicking ‘Install Files for Complex Scripts’ but then shows ‘Install Files for East Asian Languages’ selected. Just click the box for Complex Scripts only.

http://dhavalshah.com/Write%20in%20Gujarati.htm

કવિતા લખવી એ કાચાપોચાનું કામ નથી. એક મહેફીલમાં મેં કવિતા લખવા ઉપર એક શેર સાંભળ્યો જે સચોટ છેઃ

આંખ મિલનેસે કોઈ મીત જન્મ લેતા હૈ
દિલે તન્હાઈમેં સંગીત જન્મ લેતા હૈ
જબ કફન હોતી હૈ કરવટેં હઝાર રાતોંકી
તબ જાકર કહીં એક ગીત જન્મ લેતા હૈ

અર્થાત્ પ્રીત મળવી સહેલી છે; સંગીત પણ A.R.Rehman ની જેમ પોતાની જાતને કમરામાં બંધ કરીને અનુભવથી
કેળવી શકાય છે. સંગીતના તો કેટલાય શાસ્ત્રો લખાયા છે. પણ અક્ષરોને પાળીને કવિતામાં મઢવા એ સહેલું નથી.

સુરતના ભાઈશ્રી ડૉ. રઈસ મણિયારે એક હાસ્યકવિ તરીકે પોતાનું આગવું સ્થાન બનાવ્યું છે, તે વિશે ઘણાં વાચકો પરિચિત હશે.
એમનો એક શેરઃ

આમ તો મુજ સાળાની એ બેન છે, સાસુ-સસરાની અજાયબ દેન છે.
એમનું સ્માઈલ મિસાઈલથી ચઢે, શ્રીમતી સાક્ષાત્ બીન લાદેન છે!

આજકાલની પેઢીમાંથી લુપ્ત થતી આપણી માતૃભાષા માટે આપણે સૌ જવાબદાર છીએ. જેમ કવિશ્રી તુષારભાઈ શુક્લએ એક
મહેફીલમા કહ્યું તેમ ગુજરાતી MOTHERTONGUE મટીને ટુંક સમયમાં GRANDMOTHERTONGUE થઈ જશે, જો
એક સમાજ તરીકે આપણે કોઈ પણ પગલાં લેશું નહીં. ENGLISH એક career tongue તરીકે ઠીક છે, પણ ઘરમાં તો
ગુજરાતી બોલાવું જ જોઈયે જેથી છોકરાઓ ગુજરાતીમાં વિચાર કરે ને બોલે. અમારી પેઢીવાળા લોકોને અંગ્રેજી પચાવતાં
જરાય વાંધો આવ્યો નથી. In fact, અમે લોકોએ જેટલો onslaught technically and philosophically સહન કર્યો છે
તેટલો આજની પેઢી કરી શકે કે કેમ એ બાબતમાં મને શંકા છે.

તો કંઈક આવી જ અસમંજસમાં રઈસભાઈએ લખેલી એક રચના માણીએ.

ન પેપ્સી ન થમ્સઅપ ન તો કોક ભાવે, રઈસ તો વીતેલા મિલેનિયમનો માણસ,
ઉકાળો મળે જો તરત ગટગટાવે, રઈસ તો વીતેલા મિલેનિયમનો માણસ.

ન કુરિયર ન એસટીડી ન તો ફેક્સ્ કરતો, એ પેજર મોબાઈલ થકી ખુબ ડરતો,
પગે ચીઠ્ઠી બાંધી કબુતર ઉડાવે, રઈસ તો વીતેલા મિલેનિયમનો માણસ.

ના હોન્ડા ના સેન્ટ્રો ના ઓપેલ ઍસ્ટ્રા, ના ઍસ્ટીમના ફ્રેન્ડ, ફ્ર્ન્ટી કે ઉનો,
બળદગાડું એને હજુ પણ લુભાવે, રઈસ તો વીતેલા મિલેનિયમનો માણસ.

ન રાની ન કાજોલ ન ટ્વિન્કલ ન તબ્બુ, કરિશ્મા નહીં ને રવિના કદિ નહીં,
હજુ એને નરગીસ સપનામાં આવે, રઈસ તો વીતેલા મિલેનિયમનો માણસ.

(આ રચનાને શ્યામલ-સૌમિલ મુનશી ભાઈઓએ સરસ રીતે સંગીતબધ્ધ કરી છે, એની MP3 ફાઈલની લિન્ક નીચે પ્રસ્તુત છે)
ન પેપ્સી ન થમ્સઅપ

પરેશ
તા. ૧૩-૦૫-૨૦૦૮

Bookmark to:

Crude Oil price almost $126, Rs. lowers to almost 42 to a dollar, Nifty reversed from 5200 on bad Indian economic data (high inflation, rumours that govt. may consider appropriating Reliance oil inventories and stop them from exporting etc.)

જ્યારે Sub-Prime Problems ની વાત ચાલતી હતી ત્યારે $ ૧૦૦ બીલીયન ની વાત હતી. હવે એ આંકડો $ ૧ ટ્રીલીયન ઉપર પહોંચી ગયો છે! અને એનો કોઈ અંત પણ દેખાતો નથી. સીટી બેન્કવાળા વિ ક્રમ પંડિત $ ૪૦૦ બી. ના assets વેચી નાખવાની વાત કરે છે. એટલે એમ કે ઘરનું સોનું-ચાંદી વેચવાનો વારો આવ્યો છે. પેટ્રોલ આટલું મોંઘું કોને પોસાય? અને ક્યાં સુધી સરકાર oil subsidy આપીને OIL PSU companies ને ચલાવ્યા કરશે? ઓઈલનો લઘુત્તમ (minimum) ટારગેટ $ ૧૨૭ છે! મેં સાંભ્ળ્યું છે કે ધીરે ધીરે $ ૧૫૦ સુધી જશે! વિચાર કરો કે આ મોંઘવરી ક્યાં જઈને અટકશે?

આપણા પેટ્રોલ પ્રધાન મુરલી દેવરાનું ચાલે તો બધા states માં ડ્યુટી કટ (excise, octroi વિ.) કરાવશે. RELIANCE નાં ૧૪૦૦ પેટ્રોલ પમ્પો બંધ છે. મુકેશ અંબાણી વગર subsidy/compensation સરકારને એમનું પેટ્રોલ આપી દે એમ હું માનતો નથી. પણ election માથે તોળાઈ રહ્યું હોય ત્યારે લુંગી નં. ૧ ચિદમ્બર્મ inflation ના નાગને નાથવા સુદર્શન ચક્ર છોડવા તૈયાર થઈને ઊભા છે.

આવા વાતાવરણમાં ફરીથી SENSEX/NIFTY ડૂબશે, અને આ વખતે ૧૪૬૭૭/૪૪૪૮ પરથી પાછો ફરશે એવી કોઈ ગેરન્ટી દેખાતી નથી. ૨૦૦૦, ૨૦૦૨, ૨૦૦૪, ૨૦૦૬ આ EVEN સાલોમાં મે મહીનાએ કાળો કેર વર્તાવ્યો છે; અને આ વખતે પણ એનો પરચો દાખવે એવી વકી છે. એકાદ NIFTY PUT અથવા SHORT POSITION લઈને બેસવામાં માલ લાગે છે. સૌથી સારું તો પૈસા cash માં રાખીને બેસવામાં મજા છે. તમે શું ક્યો છો?

આ બ્લોગ જો તમારા વાંચવામાં આવે તો મને જરુર comments લખશો. ધન્યવાદ.

ઘાયલનો એક લાજવાબ શેરઃ

નહીં તો હોય ના સિતારા આટઆટલા,
કોઈ વિરાટ સ્વપ્નના ચૂરા થયા હશે.

પરેશ
તા. ૧૦ મે. ૨૦૦૮

Bookmark to:

મારો પણ એક બ્લોગ…

ઘણા વખતથી આ બ્લોગ લખવાની ઈચ્છા હતી તે આજે પૂરી થઈ.
સૌ પ્રથમ તો ‘ગુગલ’ માં જઈને ચેક કર્યું ત્યારે ખબર પડી કે મારા જેવા ઘણા ભડવીરો છે! એ સૌને મારા સલામ.

જાણકાર લોકોએ આપેલી માહિ તી પ્રમાણે Required Files download કરીને આ લખવાનું ચાલુ તો કર્યું, હવે કેવું લખાય છે તે આપ જેવા વાંચનારાઓની comments પરથી ખબર પડશે!

લખવામાં ભૂલચૂક હોય તે સુધારીને વાંચી લેજો

અને જાણકારોને વિનંતિ કે હ્સ્વઈની છત્રી અક્ષરની આગળ કેવી રીતે કરવી તે મને સમજાવે, thank you.

Once I get my hands on ildc.gov.in and WinXP CDs required to install some files in the next week or so, I’ll be better equipped to do this as I understand. But I’m all charged up about this. Especially those of you beyond fifties in age and who passed S.S.C. with High Level gujarati (and Sanskrit like I did) would relate to my blogs readily I hope. After having spent a number of years in US studying and working (trying to achieve the Great American Dream with a house in the suburbs etc. , I have now retired in the sanctity of my Pune home. My son who was born in US, is busy chasing his dream along with his wife.

આમ તો હું મુંબઈનો કહેવાવું, પણ પૂના આવ્યા પછી અહીં સદી ગયું છે. અમારા ઘરની ટેરેસ સામે નાનો વનપ્રદેશ (reserved forest area) છે જેથી દિવસના ભાગમાં પણ સારી ટાઢક રહે છે. વનપ્ર્વેશમાં તો આવું જ હોયન.ે આ તો થઈ મારા વિષે નાની અમથી વાત.

શૂન્ય પાલનપૂરીના એક શેરથી વિરમું છું.

જગે અર્પણ કર્યા કાંટા, કશું વિપરિત વીચારીને
અમે એના વડે કીધી સુરક્ષિત પ્રાણક્યારીને.

પરેશ

Bookmark to: